Team Ambachew – ሚኪ አማራ

perfect leader ማግኘት አንችልም ነገር ግን እኛ ፐርፌክት ማድረግ እንችላለን፡፡ አሁን ተወደደም ተጠላም ዶ/ር አምባቸዉ እና አቶ ዮሃንስ የአማራ ህዝብ መሪ ናቸዉ፡፡ ይሄን አምኖ መቀበል ግድ ይላል፡፡ በነገራችን ላይ አዴፓ እራሱ እኮ የእኛ የእጅ ስሪት ነዉ፡፡ ሚባረረዉን አባረን፤ ሚታሰረዉን አስረን፤ መነጠል ያለበትን ነጥለን፤ ግንኙነቱ መበጠስ ካለበት ፓርቲ በጥሰን ከብአዴን ወደ አዴፓ ቀይረን እዚህ ያደረስነዉ እኛዉ ነን፡፡ የራሳችን የእጅ ስሪት ከሆነ ቆይቷል፡፡ ስለዚህም አሁን ላይ ያለዉ አማራጭ ፓርቲዉ እና እነዚህ ሰወች እንዲጠናከሩ አቅጣጫ ማሳየት፤ በፖሊሲ እና ስትራቴጅ ሃሳቦች ማገዝ፤ ሲያጠፉ ደግሞ ፖሰቲቭ እና አስተማሪ በሆነ መንገድ ክሪቲሳይዝ ማድረግ ብቻ ነዉ፡፡ አዴፓ ዉስጥ ችግር ያለበት ሰዉ አለ ወይ አዎ አለ፡፡ አዴፓ የአርቆ የማሰብ እና ባለራእይ የመሆን ችግር አለበት አዎ አለበት፤ አዴፓ የሰዉ እጥረት አለበት አወ አለበት፤ አዴፓ ያጠፋል አዎ ያጠፋል፡፡ ነገር ግን ይሄን እንዲያስተካክል ማድረግ እንጅ የሆነ ከጠላት ጋር ሁኖ መዉቀጥ ተገቢ አይደለም፡፡ መወቀጥ እና መጠረብ ባለበት ወቅት ወቅጠነዋል፤ ጠርበነዋል፤ እንዲስተካከል ብዙ ጥረናል፡፡ ነገር ግን አሁን ላይ ያለዉ ሁኔታ ለዛ አይፈቅድም፡፡ አሁን ላይ አይዟችሁ እያሉ ከመደገፍ ዉጭ ሌላ realistic የሆነ አማራጭ የለም፡፡
ይሄን ያልኩበት ምክንያት ሁለት ነዉ፡፡ አንደኛዉ ህዝቡን confuse ማድረግ የለብንም፡፡ መሪዎችን ማጣጣል እና ማናናቅ በህዝቡ ዘንድ ተቀባይነት እንዲያጡ ያድጋቸዋል፡፡ ተቀባይነት ማጣታቸዉ ደግሞ ይዞት የሚመጣዉ ችግር መዘዙ ብዙ ነዉ፡፡ ህዝቡ አልገዛም ይላል፤ ስርአት አልበኝነት ይነግሳል ያ ደግሞ ጠላቶቻችን የሚፈልጉት የተመቻቸ ሜዳ ነዉ፡፡ ስለዚህም መሪዎች ሲያጠፉ እየነቀፍን ነገር ግን መሪነታቸዉን አምነን መቀበል አለብን፡፡ ሁለት ሀገሪቱ ያለችበት ሁኔታ እንደሚታየዉ ነዉ፡፡ ስለዚህም የአማራ ህዝብ ጠንክሮ ካልታየ እና ከራሱ አልፎ ለሌሎች ደራሽ ካልሆነ ሀገሪቱ ችግር ዉስጥ ትገባለች፡፡ ከአማራ ህዝብ እና አመራሮች ብዙ የሚጠብቁ ዜጎች አሉ ከአማራ ዉጭ የሆኑ፡፡ የእኛ መጠናከር ለእነዚህ ዜጎች እፎይታ ነዉ፡፡ ስለዚህም አማራን አሁን ላይ ወክለዉ የሚቀርቡ መሪዎችን ማበረታት እና ማገዝ አስፈላጊ ነዉ፡፡ከዛ ዉጭ ጊዜ እና ወቅቱን ያላገናዘበ አክቲቪዝም ለአማራ ህዝብ አይጠቅምም፡፡ አንዳንዴ ማሰብ እና ራቅ አድርጎ ማየት አስፈላጊ ነዉ፡፡ ስለዚህም የአማራ ህዝብ ወጣት እና ሌላዉ ህብረተሰብ ዶ/ር አምባቸዉ እና አቶ ዮሃንስ መሪወቻችን ናቸዉ የሚሉትን ነገር መስማት እና መተግበር ግድ ይለናል፡፡ የመጣዉን ሁሉ እራስ እራሱን እያልን መሪ ማዉጣት እንችልም፡፡

Leave a Reply

Your email address will not be published. Required fields are marked *

*

x

Check Also

ብዙ ጊዜ እውነትን ውሸት ይቀድመዋል-የሺሃሳብ አበራ

ብዙ ጊዜ እውነትን ውሸት ይቀድመዋል፡፡ እውነት ዳተኛ ናት ወይም ቶሎ አትገለፅም፡፡ እውነት ቶሎ መገለፅ ባለመቻሏ ምክንያት በዓለም ...